Цахим журнал

Системийн нүүр хуудсанд энэ улиралд зааж буй болон дүгнээгүй хичээлүүд харагдана. Хичээлээ сонгоод Журнал товчийг дарснаар цахим журнал руу шилжинэ.

_images/v1.1.1.png

Fig. 83 Зааж буй хичээлүүдийн жагсаалт харагдах байдал

Цахим журнал хэсэгт суралцагчдын ирц, явцын болон эцсийн дүн, даалгавар өгөх, баг хуваарилах, үнэлгээ хуваарилах зэрэг үйлдлүүдийг хийх боломжтой.

Журнал нь “Үнэлгээ” болон “Бусад” гэсэн хоёр үндсэн дэд хэсгээс бүрдэнэ.

Үнэлгээ хэсэг:

  • Ирц бүртгэл

  • Даалгаврын үнэлгээ

  • Нэгдсэн дүн

Бусад хэсэг:

  • Үнэлгээний хуваарилалт

  • Сэдэв/Тэмдэглэл

  • Баг хуваарилалт

  • Мэдээ илгээх

_images/negdsen_dun.png

Fig. 84 Цахим журнал харагдах байдал

Note

Эдгээр хэсгийг ашиглахын өмнө хичээлийн хуваарийн бүлгийг сонгох шаардлагатай.

Үнэлгээ

Ирц бүртгэл

Ирц бүртгэл хэсэгт тухайн бүлгийн суралцагчид, нийт оролт болон ирцийн мэдээлэл жагсаалт хэлбэрээр харагдана.

_images/j_irts.png

Fig. 85 Ирц бүртгэл харагдах байдал

Ирц бүртгэл нь дараах төрлүүдийг агуулна. Үүнд:

_images/j_irts_type.png

Fig. 86 Ирцийн төрлүүд

Ирц бүртгэлийг суралцагч тус бүрээр эсвэл нийтээр нь бүртгэх боломжтой. Суралцагчийн харгалзах оролтын нүд дээр дарж, ирцийн мэдээллийг засах болон шинэчлэнэ. Бүртгэл хийгдсэний дараа Хадгалах товч дарж мэдээллийг хадгална.

_images/j_irts1.png

Fig. 87 Ирцийг нийтээр бүртгэх үед харагдах байдал

Note

Ирцийн мэдээллийг суралцагчийн суралцаж буй хөтөлбөрөөр болон нэрээр эрэмбэлэх боломжтой.

Хадгалсан ирцийн мэдээлэл нь дараах байдлаар харагдана.

_images/j_irts2.png

Fig. 88 Хадгалсны дараа ирц бүртгэлийн хэсэг харагдах байдал

Note

Суралцагчийн нэр дээр дарснаар суралцагчийн дэлгэрэнгүй мэдээлэл, ирцийн мэдээлэл, даалгаврын үнэлгээ-г нэг дороос харах боломжтой.

_images/j_irts_stud.png

Fig. 89 Суралцагчийн дэлгэрэнгүй мэдээлэл харагдах байдал (ирц бүртгэлээр)

_images/j_irts_stud1.png

Fig. 90 Суралцагчийн дэлгэрэнгүй мэдээлэл харагдах байдал (даалгаврын үнэлгээгээр)

Мөн QR үүсгэх товч дарж QR код үүсгэн ирц бүртгэх боломжтой ба энэ нь таны ажлыг хөнгөвчилж байгаа юм. Үүсгэсэн QR нь дараах байдлаар харагдана.

_images/j_irtsQR.png

Fig. 91 Ирц бүртгэлийн QR үүсгэх байдал

Ирц бүртгэл хэсгийн баруун дээд хэсэгт байрлах Ирцийн тохиргоо товч дарж ирцийн оноонд тооцох төрлийг сонгон тохируулга хийнэ. Сонгосон тохиргоог Хадгалах товч дарж хадгална.

_images/j_irtsConfig.png

Fig. 92 Ирцийн тохиргоо харагдах байдал

Ирцийн тохиргоонд тусгагдсан ирцийн төрлийн бүртгэлийн тоо ирсэнд тооцсон/бүртгэсэн хэсэгт харагдана.

_images/j_irts3.png

Fig. 93 Ирцийн тохиргоо харагдах байдал

Warning

Ирсэнд тооцсон/Бүртгэсэн хэсэгт харгалзах нийт оноо нь үнэлгээний хуваарилалт хэсгийн явцын үнэлгээний задаргаа-д тохируулсан оноо байна.

Даалгаврын үнэлгээ

Даалгаврын үнэлгээ хэсэгт даалгавар шинээр үүсгэх, үүсгэсэн даалгаврыг суралцагчдад илгээх, илгээсэн даалгаврыг үнэлэх үйлдлүүдийг хийнэ.

_images/journal_yvts2.png

Fig. 94 Даалгаврын үнэлгээ харагдах байдал

Даалгавар үүсгэх

Тухайн бүлгийн суралцагчдад шинээр даалгавар өгөхдөө хоёр аргыг ашиглах боломжтой. Үүнд:

  1. Шинээр үүсгэх - даалгаврыг шинээр үүсгэж суралцагчдад илгээх

  2. Даалгаврын сангаас ашиглах - өмнө үүсгэсэн даалгаврыг сангаас сонгон тухайн бүлгийн суралцагчдад дахин илгээх

Шинээр даалгавар үүсгэхдээ даалгаврын үнэлгээ хэсгийн баруун дээд буланд байрлах Шинээр үүсгэх товчийг дарна. Даалгавар үүсгэхтэй холбоотой мэдээллийг оруулах хэсэг гарч ирэх бөгөөд дараах бүтэцтэйгээр харагдана.

_images/j_new_hw.png

Fig. 95 Даалгавар шинээр үүсгэхэд харагдах байдал

Даалгавар шинээр үүсгэх хэсэг нь даалгаврын нэр, төрөл, агуулга, гүйцэтгэх хугацаа, даалгаврын оноо, суралцагчдаас файл хүлээн авах эсэх болон ямар суралцагчдад (бүх суралцагч, суралцагч сонгох, баг сонгох) даалгавар илгээх зэрэг хэсгүүдээс бүрдэнэ.

Шинээр үүсгэх даалгавар нь дараах төрлүүдийг агуулна. Үүнд:

_images/j_hw_type.png

Fig. 96 Даалгаврын төрлүүд

Warning

  • Нэгдсэн дүнгийн хэсэгт явцын үнэлгээ (O1)-ийг оноог үүсгэсэн даалгавруудын үнэлгээнээс тооцож оруулахдаа даалгавар төрөл болон онооны хуваарилалтын явцын үнэлгээний задаргаанд тусгагдсан төрөлтэй тохирох төрлийн оноонд хөрвүүлэн тооцно. Үүсгэсэн даалгаварын төрөлд тохирох явцын үнэлгээний задаргааны төрөл олдохгүй бол системээд оноог тооцох боломжгүй анхаарна уу.

  • Даалгаврын төрөл нь явцын үнэлгээний задаргаа дахь төрөлтэй ижил үүсгэгдсэн тохиолдолд Нэгдсэн дүн хэсгийн явцын үнэлгээний оноог даалгаврын үнэлгээнээс тооцон татах боломжтой.

  • Даалгаврын төрөл нь явцын үнэлгээний задаргаа дахь төрөлтэй ижил биш тохиолдолд Нэгдсэн дүн хэсгийн явцын үнэлгээний тооцоололд тухайн төрлийн даалгаврын үнэлгээ тооцоогдохгүй.

    • Жишээ нь: Даалгаврыг Реферат төрөлтэйгээр үүсгэсэн боловч Үнэлгээний хуваарилалт-ын явцын үнэлгээний задаргаанд Реферат төрөл байхгүй тохиолдолд Реферат төрөлтэйгээр үүсгэгдсэн даалгаврын үнэлгээ явцын үнэлгээний тооцоололд орохгүй.

Бүх талбарын мэдээллийг бүрэн бөглөсний дараа Илгээх товч дарж даалгаврыг суралцагчдад илгээнэ.

_images/j_yvts3.png

Fig. 97 Мэдээллүүдийг бөглөсний дараа харагдах байдал

Илгээх товч дарсны дараа системээс хариу өгөх ба илгээсэн даалгаврын мэдээлэл нь дараах байдлаар харагдана.

_images/ok.png

Fig. 98 Үүсгэсэн даалгавар харагдах байдал

Note

Даалгаврын үнэлгээний жагсаалтыг харах хэлбэр, төрөл, эрэмбэлэлт-ээр шүүж харах боломжтой.

Даалгаврын үнэлгээ

Даалгаврын үнэлгээ хэсэгт үүсгэсэн даалгаврын жагсаалт гарч ирэх бөгөөд нэг даалгаврыг сонгон Дэлгэрэнгүй товч дарж даалгаврын үнэлгээний дэлгэрэнгүй хэсэгт шилжинэ.

_images/j_hw.png

Fig. 104 Даалгаврын жагсаалт

Даалгаврын үнэлгээний дэлгэрэнгүй хэсэг нь дараах байдлаар харагдана.

_images/j_unelgee2.png

Fig. 105 Даалгаврын үнэлгээ харагдах байдал

Note

  • Даалгаврын үнэлгээг эрэмбэлэлт, төлөв-өөр шүүн харах боломжтой.

  • Даалгаврын гүйцэтгэлийг хувиар тооцон оруулна.

  • Даалгаврын гүйцэтгэлийн оноо нь явцын үнэлгээний хэлбэрийг дүгнэх хийсвэр оноо бөгөөд явцын үнэлгээ (О1)-нд эзлэхүүнээр хувьчлагдана.

Даалгаврын үнэлгээг дараах хэлбэрээр харж болно. Үүнд:

  • Бүх суралцагчийн даалгаврын үнэлгээг харах бол Бүх суралцагч

  • Даалгаврын үнэлгээ оруулаагүй суралцагчдын даалгаврын үнэлгээг харах бол Үнэлээгүй

  • Даалгаврын үнэлгээ оруулсан суралцагчдын даалгаврын үнэлгээг харах бол Үнэлсэн

_images/j_uneleegui.png

Fig. 106 Даалгаврын үнэлгээ харагдах байдал (үнэлээгүй байдлаар)

_images/j_unelsen.png

Fig. 107 Даалгаврын үнэлгээ харагдах байдал (үнэлсэн байдлаар)

Даалгаврын гүйцэтгэлийг хувиар тооцон оруулж дууссан бол Хадгалах товч дарж хадгална.

Нэгдсэн дүн

Хичээлийн хуваарийн бүлгээс сонгон нэгдсэн дүн гэсэн хэсгийг нээнэ. Нэгдсэн дүн нь явцын үнэлгээ болон нэгдсэн дүн гэсэн 2 хэсгээс бүрдэнэ.

Явцын үнэлгээ хэсэгт тухайн бүлгийн бүх суралцагчдын жагсаалт, явцын үнэлгээний онооны мэдээлэл харагдана.

_images/zadargaa.png

Fig. 108 Явцын үнэлгээ

Warning

  1. Явцийн үнэлгээ хэсгийн бүлгийн О1-ийн үнэлгээний задаргаа-нд Явцын үнэлгээний задаргаа ороогүй байна. гэсэн тайлбар харагдаж байвал Журнал->үнэлгээний хуваарилалт хэсгээр үнэлгээний хуваарилалтыг оруулна уу.

  2. Үнэлгээний хуваарилалт хэрхэн хийх талаар Үнэлгээний хуваарилалт хэсэгт дарж харна уу.

Үнэлгээний хуваарилалт хийгдсэний дараа явцын үнэлгээ нь дараах байдлаар харагдана.

_images/j_yvts4.png

Fig. 109 Үнэлгээний хуваарилалт хийгдсэний дараах явцын үнэлгээ харагдах байдал

Note

  • Явцын үнэлгээг гараар оруулахаас гадна Оноо татах (Даалгаврын үнэлгээнээс, Excel-ээс) хэсгийг ашиглан оруулах боломжтой.

  • Даалгаврын үнэлгээнээс оноо татахад онооны хуваарилалтын явцын үнэлгээний задаргаа дахь төрөл болон даалгаврын төрөл тохирч байгаа даалгавруудын үнэлгээг тухай төрлийн явцын үнэлгээний задаргаанд тусгагдсан оноо руу оноог тооцоолон хамаарах талбарт оруулна.

  • Тухайн төрлийн даалгаврын тооцоолсон оноог бодохдоо даалгавраас авсан нийт оноог даалгаврын үнэлгээний хуваарилалт дахь оноогоор үржүүлж даалгавраас авах нийт оноонд хуваана.

  • Суралцагчдын мэдээллийг хөтөлбөрөөр болон нэрээр эрэмбэлэн харах, excel рүү гаргах, excel ээс оруулах боломжтой.

Warning

  • Оноо татах хэсгийг ашиглан оноог татах бүрт өмнө нь оруулсан оноо дарагдахыг анхаарна уу.

Явцын үнэлгээг оруулсны дараа Дүн хадгалах товч дарж хадгална.

Бусад

Үнэлгээний хуваарилалт

Үнэлгээ оруулах хуваарийн бүлгийг сонгож үнэлгээний хуваарилалт хэсгийг нээнэ. Үнэлгээний хуваарилалт хийхдээ лекц, семинар, лаборатори, дадлага судалгаа гэх мэт хичээлийн хэлбэр тус бүрээр хэдэн оноо байхыг тохируулна. Үнэлгээний хуваарилалт нь дараах байдлаар харагдана.

Note

Үнэлгээний хуваарилалтыг лекцийн багш, лекцгүй хичээлийн хувьд семинарын багш, лекц/семинаргүй хичээлийн хувьд лабораторийн багш (тухайн хэлбэрүүд дээр 2 ба түүнээс дээш багш орсон бол хуваарийн дагуу хамгийн эхэнд хичээл заасан багш) оруулна.

_images/j_yvts1.png

Fig. 114 Үнэлгээний хуваарилалт харагдах байдал

Note

  • O1: Улирлын явцын үнэлгээ бөгөөд 70-80 оноо байна. Багш хичээлийн төрөл, хэлбэр, онцлогоос хамааран суралцагчийг хичээлийн явцад хамгийн багадаа 3-аас доошгүй хэсэгт хуваарилан, хэлбэрүүдээс сонгон, тасралтгүй үнэлж дүгнэсэн байна.

  • O2: Улирлын шалгалтын үнэлгээ бөгөөд 20-30 оноо байна.

Үнэлгээний хуваарилалт-ийн явцын үнэлгээний задаргаа нь дараах хэлбэрүүдийг агуулна.

_images/j_unelgeeQ1.png

Fig. 115 Явцын үнэлгээний хэлбэрүүд

Явцын үнэлгээний задаргаа хэсэгт байрлах Нэмэх товч дарж хэлбэрүүдээс сонгон онооны тохиргоог хийнэ. Тохиргоог хийж дууссаны дараа Хадгалах товч дарж хадгална.

_images/j_unelgee1.png

Fig. 116 Явцын үнэлгээний задаргаа орсон байдал

Оруулсан явцын үнэлгээний задаргаа нь Нэгдсэн дүн-> Явцын үнэлгээ хэсгийн Бүлгийн O1-ийн үнэлгээний задаргаа талбарт харагдана.

_images/j_yvts.png

Fig. 117 Явцын үнэлгээний задаргаа нэгдсэн дүн хэсэгт харагдах байдал

Warning

  • Хичээлийн хуваарийн бүлгээс хамааран хуваарийн хослол үүсэх боломжтой бөгөөд хослол бүрт үнэлгээний хуваарилалтыг ижил байдлаар оруулна. Хуваарийн хослолтой хичээлийн үнэлгээний хуваарилалт нь дараах байдлаар харагдана.

_images/h_relation.png

Fig. 118 Хуваарийн хослол

Сэдэв/Тэмдэглэл

Сэдэв/тэмдэглэл хэсэгт хуваарийн оролтууд жагсаалт хэлбэрээр харагдах ба оролт тус бүрт сэдэв, тэмдэглэл оруулах боломжтой.

_images/j_note6.png

Fig. 119 Сэдэв/Тэмдэглэл харагдах байдал

Тухайн оролтод сэдэв, тэмдэглэл нэмэхдээ үйлдэл баганад байрлах Нэмэх товч дарна. Гарч ирэх хэсгийн тэмдэглэлийн утгыг гараас бичиж, файл сонгож оруулна.

_images/j_noteUpdate.png

Fig. 120 Сэдэв/Тэмдэглэл нэмэх үед харагдах байдал

Note

  • Файл хэсэгт оруулах файл нь jpg, jpeg, png, pdf, doc, docx, xlsx, xlsm, ppt, pptx, zip, rar гэсэн өргөтгөлтэй байна.

  • Файлын хэмжээ нь 10 mb-аас хэтрэхгүй байна.

  • Нэгэн зэрэг олон файлыг сонгож оруулах боломжтой.

Сэдэв нэмэх товч дарсны дараа хичээлийн сэдэв сонгох хэсэг гарч ирнэ. Хичээлийн сэдэв сонгох хэсэг нь дараах байдлаар харагдана.

_images/j_noteAgg.png

Fig. 121 Сэдэв/Тэмдэглэл нэмэх үед харагдах байдал

Сэдэв сонгох хэсэгт хичээлийн хөтөлбөр дэх сэдэвчилсэн төлөвлөгөөнд тусгагдсан сэдвүүд жагсаалт хэлбэрээр харагдах ба жагсаалтаас сэдвийг сонгоно.

_images/j_note7.png

Fig. 122 Сэдвүүдийн жагсаалт

Note

  • Хичээлийн сэдэв сонгох хэсэгт систем дэх хичээлийн сэдэвчилсэн төлөвлөгөөний мэдээлэл харагдана.

Сонгосон сэдэв нь дараах байдлаар харагдах ба Нэмэх товч дарж нэмнэ.

_images/j_note2.png

Fig. 123 Сэдэв/тэмдэглэл сонгосон байдал

Нэмсэн сэдэв нь дараах байдлаар харагдана. Үйлдэл баганад харгалзах устгах болон засах товч дарж сэдвийг засах эсвэл устгах боломжтой.

_images/j_note8.png

Fig. 124 Сэдэв/Тэмдэглэл нэмсний дараа харагдах байдал

Баг хуваарилалт

Баг хуваарилалт хэсэгт тухайн бүлгийн суралцагчдыг багт хуваарилах, багийн нэрийг засах, гишүүдийг нэмэх болон хасах зэрэг багийн зохион байгуулалтын үйлдлүүдийг хийнэ. Хэдэн ч баг нэмэх боломжтой бөгөөд баг хуваарилалтын хэсэг дараах байдлаар харагдана.

_images/j_team.png

Fig. 125 Баг хуваарилалт харагдах байдал

Баг хуваарилалт хэсгийн баруун дээд хэсэгт байрлах +Нэмэх товч дарж шинээр баг үүсгэнэ.

_images/j_team1.png

Fig. 126 Багийн нэр нэмэх үед харагдах байдал

Багийн нэрийг оруулан Нэмэх товч дарж багийг үүсгэнэ. Үүсгэсэн багийн мэдээлэл нь дараах байдлаар харагдах бөгөөд тухайн багт суралцагч нэмэх, хасах зэрэг өөрчлөлт хийх боломжтой. Багт суралцагч нэмэхдээ суралцагч болон багт харгалзах баганад чагталж нэмнэ.

_images/j_teamAgg.png

Fig. 127 Баг үүссэний дараа харагдах байдал

Мэдээ илгээх

Мэдээ илгээх хэсэгт өөрийн хичээл зааж буй суралцагдад мэдээ, мэдээлэл хүргэх боломжтой. Мэдээ илгээх хэсэг нь мэдээ хүлээн авах болон мэдээний агуулга гэсэн 2 хэсэгтэй.

_images/j_news.png

Fig. 128 Мэдээ илгээх хэсэг харагдах байдал

Мэдээ нь дараах төрлүүдийг агуулах ба нэгийг сонгож мэдээ илгээх ба шаардлагатай утгуудыг оруулж Мэдээ илгээх товч дарна.

_images/j_news_type.png

Fig. 129 Мэдээ илгээх төрлүүд

Warning

  • Гарчигийн тэмдэгтийн тоо хамгийн багадаа 8, хамгийн ихдээ 100 байна.

  • Агуулгын тэмдэгтийн тоо хамгийн багадаа 20, хамгийн ихдээ 1000 байна.

  • Зөвхөн сонгосон хичээлийн бүлэгт хамаарах суралцагчдад мэдээ илгээх боломжтой.

_images/j_news1.png

Fig. 130 Шаардлагатай утгуудыг оруулсны дараа харагдах байдал