Хөтөлбөр

Суралцагч та энэ хэсгээс өөрийн сурч буй сургалтын төлөвлөгөө болон тухайн төлөвлөгөөний хичээлийн уялдаа холбоог харах боломжтой.

• Хөтөлбөр нь:

  1. Сургалтын төлөвлөгөө

  2. Хувийн төлөвлөгөө

  3. Хос, хавсаргын хүсэлт гэсэн 3-н хэсгээс бүрдэнэ.

Сургалтын төлөвлөгөө

Та өөрийн сурч буй төлөвлөгөөнөөс ямар ямар хичээлийг судалсан болон судлаагүй, заавал болон сонгон судлах хичээлүүдээс нийт хэдэн багц цаг судалсан талаарх мэдээллээ харах, Англи хэлний ахисан дунд түвшний болзол хангасан эсэхийг мэдэх боломжтой. Мөн Боломжит үйлдэл хэсгээр өөрийн сурч буй хөтөлбөрийн Батлагдсан төлөвлөгөөг харах боломжтой.

Сургалтын төлөвлөгөө

Сургалтын төлөвлөгөөн дэх багцуудаас сонгон дарснаар дараах илэрц харагдана.

Note

Тухайн хичээлийг судласан болон судлаагүйгээс шалтгаалан харгалзах тайлбар өөр өөр байна.

Хувийн төлөвлөгөө

Суралцагч та энэ хэсэгт сургалтын төлөвлөгөөн дээр үндэслэн хувийн суралцах төлөвлөгөөг зохионо. Хувийн суралцах төлөвлөгөө гэдэг нь тухайн сургалтын төлөвлөгөөн дэх хичээлийг аль улиралд сонгон судлахаа төлөвлөхийг хэлж байгаа ба уг төлөвлөгөөнийхөө дагуу хичээл сонголтоо хийн суралцана.

Хувийн суралцах төлөвлөгөөний давуу тал:

• Хувийн суралцах төлөвлөгөөн дээр үндэслэн судлахаар төлөвлөж буй хичээлийн бодит ачааллыг урьдчилан тооцоолж, хүртээмжтэй хуваарь хийх боломж бүрдэнэ.

• Суралцагч төлөвлөлтийнхөө дагуу суралцаж байгаа эсэхээ хянах, хэрхэн судалснаас хамааран төлөвлөлтөө шинэчлэх, өөрчлөх боломжтой.

Хувийн суралцах төлөвлөгөө зохиох алхам:

• Улирал нэмэх

• Хичээл нэмэх

Хувийн суралцах төлөвлөгөөний бүтэц:

Хувийн суралцах төлөвлөгөөний бүтэц

Төлөвлөгдсөн хичээл дээр даран гарч ирэх цэснээс дараах мэдээллийг авах боломжтой. Үүнд:

1. Хичээлийн мэдээлэл

2. Хичээлийн багтаамж

3. Хичээлийн уялдаа

Төлөвлөгдсөн хичээл

1. Мэдээлэл

Төлөвлөгдсөн хичээлийн Мэдээлэл товч дээр дарснаар дараах мэдээллийг авч болно.

Төлөвлөгдсөн хичээлийн мэдээлэл

2. Багтаамж

Төлөвлөгдсөн хичээлийн Багтаамж товч дээр дарснаар тухайн улиралд хичнээн суралцагч тус хичээлийг судлахаар төлөвлөж буй тоо болон уг хичээлд хийсэн хуваарийн тоо, уг хийгдсэн хуваариас сонгогдсон хуваарийн тоо харагдана.

Төлөвлөгдсөн хичээлийн багтаамж харах

3. Уялдаа

Төлөвлөгдсөн хичээлийн уялдаа харах

Улирал нэмэх

Суралцагч та энэ хэсэгт суралцах улирлаа төлөвлөж оруулна. Ингэхдээ улирал нэмэх цэсийг сонгож боломжит улирлуудаас сонгон улирал нэмэх товч дээр дарж нэмнэ.

Хувийн төлөвлөгөөнд улирал нэмэх хэсэг

Warning

• Зөвхөн төлөвлөгдсөн хичээлгүй хоосон улирлыг хасах боломжтой.

• Өнгөрсөн улирал нэмэх / хасах боломжгүй.

Хичээл нэмэх

Суралцагч та энэ хэсэгт суралцах улиралдаа төлөвлөх хичээлээ нэмэх юм. Хичээлийг нэмэхдээ тухайн нэмэх гэж байгаа улиралд зөөн байршуулна.

Хувийн төлөвлөгөөнд хичээл нэмэх хэсэг

Тухайн төлөвлөгөөн дэх хичээлүүдийг хичээлийн төлвөөр нь ялган өнгө өнгөөр илэрхийлсэн ба аль өнгө нь ямар төлвийн хичээл болохыг баруун доод буланд байрлах (?) тэмдэгт дээр дарж харах боломжтой.

Хичээлийн төлөв

Төлөвлөгөөний биелэлт

Суралцагч та энэ хэсэгт өөрийн төлөвлөгөөний биелэлтийг хянах боломжтой ба аль бүлгээс хэдэн багц цагийн хичээлийг хувийн суралцах төлөвлөгөөндөө төлөвлөх болон төлөвлөснөө харах боломжтой.

Төлөвлөгөөний биелэлт

Хичээлийн уялдаа

Суралцагч та энэ хэсэгт өөрийн суралцаж буй төлөвлөгөөн дэх хичээлүүдийн уялдааг харах боломжтой. Ингэхдээ тухайн хичээл дээр дарахад уг хичээлтэй уялдаа, холбоотой хичээлүүд ялгарч харагдана.

Хичээлийн уялдаа

Хичээл дээр дарж уялдааг харахаас гадна баруун доод буланд байрлах хичээлийн жагсаалт хэсгээс уялдаа харах хичээлийн нэрийг бичиж хайлт хийн харах боломжтой.

Хичээлийн уялдаа

Тухайн төлөвлөгөөн дэх хичээлүүдийг агуулж буй бүлгээр нь ялган өнгө өнгөөр илэрхийлэн харуулсан байгаа ба аль өнгө нь аль бүлгийн хичээл болохыг баруун доод буланд байрлах (?) тэмдэгт дээр дарж харах боломжтой.

Хичээлийн уялдаа

Жишиг төлөвлөгөө

Энэ хэсэгт суралцагч таны суралцаж буй төлөвлөгөөн дээр үндэслэн хөтөлбөр, чанарын баталгаажуулалтын нэгжээс боловсруулсан жишиг төлөвлөгөө байх ба үүнд тухайн улиралд судалвал зохих бүлэг болон хичээлийн мэдээллийг харуулсан байх тул уг жишгийг баримтлан суралцах хувийн төлөвлөгөөгөө боловсруулна.

Жишиг төлөвлөгөө

Хос, хавсаргын хүсэлт

Суралцагч та дараах шаардлагуудыг хангасан тохиолдолд хос болон хавсарга мэргэжлээр сурах хүсэлт гаргаж болно. Үүнд:

1. Суралцаж буй үндсэн мэргэжлийнхээ сургалтын төлөвлөгөөн дэх ерөнхий суурь болон мэргэжлийн суурь хичээлийг бүрэн судалсан

2. Мэргэжлийн хичээлийн багц цагийн 1/3-ийг амжилттай цуглуулсан

3. Суралцах хугацааны голч дүн 2,6-аас дээш байх

Хос, хавсаргын хүсэлт

Tip

• Хос болон хавсаргаар сурах хүсэлтээ тухайн хичээлийн жилийн 10 болон 3-р сард багтаан гаргана.

• Шаардлага хангасан эсэхээс хамааран өгөх хариу өөр өөр байна.